Condicions generalas de venda de formacion
Designacion
Lo Centre de Formacion Professionala Occitan– Region Occitania, marcat aquí C.F.P.O.– Region Occitania, es organisme de formation (OF) registrat a la prefectura d’Erau (sos-prefectura de Besièrs) amb per numèro SIRET 39856772700019 e registrat en tant qu’OF amb lo numèro : 91340275334.
Sèm especializats en formacion professionala amb la lenga-cultura occitana, que ten sèti social al 7 carrièra Franklin - 34500 BESIÈRS
Lo CFPO – Region Occitanie concep, elabòra e amagèstra de formacions, mai que mai en Region Occitania, solet o amb un autre OF partenari. Lo CFPO – Region Occitania interven tanben en cò de sos cients en tot resectar las condicions legalas per l’acuèlh del public.
Pels paragrafes que seguisson, per convencion designam :
● Client : cada persona fisica o morala que s’inscriu a una formacion o passa, al CFPO – Region Occitania, commanda per una formacion.
● Apreneire/estagiari : persona fisica que participa a una formacion.
● CGV : les Conditions Generalas de venda, detalhadas çai-sos.
● OPCO : los Operators de Competéncias cargats de collectar e gerir l’esfòrç de formacion de las entrepresas o associacions emplegairas
● Formacion entre-entrepresas : Formacion a partir d’un catalòg alestit al CFPO – Region Occitania o dins dins un local condrech (ERP-5R minimum) més a posita o encara a distància (FAD)
● Formacion a l’entrepresa clienta : Formacion alestida en cò del client Client pel CFPO – Region Occitania. Se pòt far a distància (FAD).
Tòca :
Las Condicions Generalas de Venda s’aplican a tota prestacion de formacion facha pel CFPO – Region Occitania pel compte d’un Client. S’inscriure a una formacion o passar comanda d’una formacion implica l’adesion entièra e sens resèrva del Client a las CGV aquestas, que prevalan amai contra tot document autre del Client. En particular contra totas las condicions generalas de crompas del Client.
Documents contractuals
Lo Contracte (la convencion de formacion o lo protocòl individual de formacion) precisarà lo títol de la formacion, la natura, la durada, los efectius, las modalitats de debanament e la sancion d’aquela formacion amai lo prètz.
Cada contracte l’establirem a respècte de las disposicions legalas e reglementaras en vigor e mai exactament segon los articles L6353-1 et L6353-2 del Còde del trabalh.
Dematerializacion dels supòrts
A respècte d’un engatjament per aparar la natura, tot o part de la documentacion relativa a la formacion se poirà metre e transmetre sus supòrts dematerializats (per exemple a una clau USB o pausadas al servidor de fichièrs « ESTELUM » – cas de las formacions longas de mai de 3 meses).
Condicions financièras, reglaments e modalitats per pagar
Cada prètz es indicat en èuros (€). Lo CFPO – RO paga pas la TVA.
Las facturas, las mandam directament al client o a la persona en formacion (cas dels particulièrs pagants).
● Pels particulièrs pagants (apreneires/estagiaris que se pagan lora formacion) : lo pagament del prètz de la formacion s’a de passar 15 jorns al pus mai abans la debuta de la formacion, tant coma possible tre recepcion de la factura, al comptant, sens escompte e a l’òrdre del CFPO – Region Occitania (en moneda, chèc o virament bancari). Lo pagament fa fe per l’inscripcion en formacion.
● Pels salariats mandats a la formacion per lor emplegaire : lo pagament del prètz de la formacion s’a de passar 15 jorns al pus mai aprèp la fin de la formacion,, tant coma possible tre recepcion de la factura, al comptant, sens escompte e a l’òrdre del CFPO – Region Occitania (en moneda, chèc o virament bancari e lèu pagament securizat en linha). Lo pagament fa fe per l’inscripcion en formacion.
En cas excepcional, un pagament escalonat se pòt far. De tot biais, las modalitats ne seràn formalizadas abans la començança de la formacion : lo client adreiça una demanda de pagament escalonat, per corriel o per corrièr postal, al CFPO-Region Occitania que decidirà.
Se lo Client desira que l’Operator de Competéncias (OPCO) que ne depend dont pague directament la factura al CFPO - RO, deu :
● far una demanda de presa en carga a l’OPCO que ne depend abans la començança de la formacion (minimum 2 à 3 meses abans) et s’assegurar de la bona fin de sa demanda.
● far la demanda de subrogacion sul sit de l’OPCO que ne depend et de n’assabentar lo CFPO – Region Occitania per escrich.
● s’assegurar de la bona fin del pagament de l’OPCO que ne depend.
En cas que l’OPCO prenga pas qu’una part del còst de la formacion, lo CFPO-RO faturarà lo reliquat al Client.
Annulacion, abséncia o cessament d’una formacion pel Client :
Tota formacion entamenada es deguda del tot e lo CFPO – Region Occitania lo facturarà al Client.
● En cas de renonciament de part d’un estagiari dins una demòra de 6 (sièis) jorns francs abans la data començança de la prestacion de formacion, l'entrepresa que signa s'engatja de pagar lo 30% de la valor totala de la formacion.
● En cas que la formacion se faga pas que parcialament, 33 % de la durada totala de formacion, l'entreprese que signa s'engatja de pagar lo 50% de la valor totala de la formacion.
● Delà lo 33 % de realizat, l'entreprese s'engatja de pagar lo prètz tot de la formacion.
Lo prètz d’una formacion facha parcialament se factura coma de formacion professionala.
Remanda/anullacion d’una formacion pel CFPO -Region Occitania
Lo CFPO – Region Occitania s’autreja la possibilitat d’anullar o de remandar de formacions planificadas, sens pagar d’indemnitats al Client, a condicion de ne l’assabentar demercé un preavís de sèt (7) jorns francs
.
Oraris e acuèlh
La durada de la jornada de formacion es de 7h00 (sèt oras). Levat indicacion diferenta marcada a la ficha de presentacion de la formacion e al convocacion.
De costuma, las formacions se debanan de 08h30 a 12h00 e de 13h30 a 17h00.
Los locals del CFPO – Region Occitania aculhisson los estagiaris de 08h00 a 18h00.
Luòcs, adreiças e oraris de las formacions los trobaretz sus las convocacions mandadas al Client e a l’Estagiari per corriel 7 jorns francs abans la començança de la formacion.
Efectius
Pour aisir los aprendissatge, l’efectiu maximum de cada accion de formacion se limita a 12 participants per un sol formator e almens 4 participants levat en cas de percors totalament individual.
Per decision del CFPO - Region Occitania, l’efectiu pòt cambiar, per cada formacion, pr’amor dels objectius e dels metòdes pedagogics.
Las demandas d’inscripcions se prenon en compte per òrdre d’arribada.
Devís e atestacion
Per cada formacion, lo CFPO – Region Occitania manda al client :
- un devís
Lo client entresenharà, datarà, tamponarà e signarà amb la mencion “Bon pour accord”. Lo Client tornarà lo devis signat al CFPO – Region Occitania per corrièr postal o per corriel al mai tard 30 jorns obrables abans la debuta de la formacion.
- un programa de formacion
- una convencion de formacion o document equivalent
Lo CFPO-RO redigís lo programa e la convencion a la vista de las informacions inicialas comunicadas pel client. Cada modificacion ulteriora que serià necessària a la demanda de presa en carg per l’OPCO, sera facturada al client
Lo Client se carga de l’ensemble de las demarchas administrativas per la demanda de presa en carga de l'OPCO. Una convencion particulara pòt preveire una presa en carga, pel CFPO - Region Occitania, d’unas demarchas administrativas. Lo CFPO – Region Occitania facturarà al Client aquel servici suplementar.
Al cap de la formacion, lo CFPO − Region Occitania dona una atestacion de formacion a l’estagiari. En cas de pèrda d’aquela atestacion e a la vista d’una demande escricha de l’estagiari, lo CFPO - Region Occitania pòt fornir un duplicat de l'atestacion de formacion.
L’atestacion es un document personal lo podèm pas donar a quina autra persona o estructura que sià qu’o demande. En cas de besonh de l'emplegaire, aquel d’aquí n’a de far la demanda a l’estagiari. Lo CFPO - Region Occitania balharà pas de duplicat a l’emplegaire.
En cas de presa en carga parciala o totala per un OPCO, lo CFPO – Region Occitania manda a l’estagiari un exemplari d’aquela atestacion acompanhada de la factura.
Obligacions e responsabilitats del CFPO-Region Occitania
Per sas prestacions de formacion, lo CFPO - Region Occitania deu un obligacion de mejans e ps de resultats cap a sos clients o sas apreneires.
Obligacions del client
Lo client s’engatja a :
- pagar lo prètz inerent a la formacion ;
- reproduisir pas, per ne far un us comercial, material o documents que lo dreches d’autors son del CFPO -Region Occitania sens son acòrdi escrich e prealable.
- utilizar pas de registrament àudio o vidèo que serviguèron a de formacions sens l’acòrdi escrich e prealable del CFPO Region Occitania
- Al intrar en formacion, Lo CFPO Region Occitania demanda de signar una renonciacion al drech a l’imatge. Quand lo document es signat, lo CFPO Region Occitania s’autreja lo drech d’utilizar fotografias o vidèos per comunicar a l’entorn de la formacion.
- Quand l’estagiari refusa de signar lo document, lo CFPO Region Occitanie renóncia a quin imatge que siá d’aquela persona.
Formacion a distància / (se referir al Registre RGPD - activitat 5)
Lo CFPO Region Occitania prepausa als estagiaris una plataforma numerica que dona la possibilitat d’acampar mond per far d’informacions collectivas tant coma individualas abans la dobertura de la formacion.
● Pendent l’accion de formacion a distància, lo CFPO Region Occitania dona una licéncia d’utilizacion dels contenguts de formacion al client, qu’es pas exclusiva, que se pòt pas cedir, nimai transferir,
Lo CFPO Region Occitania dona un identificant e un mot de santa Clara a cada estagiari. Son confidencials, personals, e non se pòdon cedir, nimai transmetre.
La plataforma numerica del CFPO Region Occitania, nomenada ESTELUM, gerís l’accès als contenguts formatius
● Per que desvolope lo sieu espaci numeric de produccion (pòrtfolio) lo CFPO Region Occitania, per las formacions longas (PRF o AFPR), amagèstra a cada estagiari un canton personal a son nom.
Li demanda de gerir e de servar en seguretat identificant e mot de santa Clara. Pr’amor d’aquò los estagiaris permejaràn de los aparar.
Un estagiari avisèsse un usatge fraudulós del sieu identificant e mot de santa Clara n’assabentariá sulpic lo CFPO Region Occitania.
Fòrça majora
Lo CFPO Region Occitania se poirà pas dire responsable, cap al clients o estagiaris, en cas que posquèsse pas far sas obligacions pr’amor d’un eveniment d’azard o de fòrça majora.
Consideram aquí coma un cas d’azard o de fòrça majora, amai d’aqueles reconeguts de costuma per la jurisprudéncia : malautiá o accident d’un interveneire o d’un responsable pedagoqic, caumas o conflictes socials extèrnes al CFPO Region Occitania, epidemias, pandemias, auvaris naturals, encendis o tot autre circonstància qu’escapèsse al contraròtle rasonable del CFPO Region Occitania.
Confidencialitat e comunicacion
Lo CFPO Region Occitania, lo client e l’estagiari s’engatjan de servar confidencials los documents e las informacions que s’en poirián assabentar pendent la formacion o pr’amor dels escambis d’abans l’inscripcion, notadament l’ensemble dels elements que son marcats a la proposicion mandada pel CFPO Region Occitania al client.
Lo CFPO Region Occitania, s’engatja de comunicar pas las informacions balhadas pel client a d’autre mond levat los partenaris de la formacion, los OPCOs, las informacions que pertòcan compresas.
Ça que la, lo client accèpta que lo CFPO Region Occitania mençone son nom en tant que client de sas formacions. Per aquò far, lo client autoriza que lo CFPO Region Occitania mençone son nom e una descripcion de la natura de las prestacions a sas tièras de referéncias e proposicions a l’atencion de sos prospèctes e de la clientèla.
Aquò concernís tanben d’entretens eventuals amb d’autre mond, des rapòrts d’activitats, amai per respondre a d’enquèstas e/o a des disposicions legalas, reglamentàrias o comptablas.
Proteccion de las donadas personalas (confèra lo Registre RGPD del CFPO Region Occitania)
Dins l’encastre de la mesa en òbra de las formacions, lo CFPO Region Occitania recampa donadas personalas de còps que i a confidencialas. Aquelas donadas las podèm compartir amb Pôle Emploi (Plateforma KAIROS), amb la Region Occitania (Plateforma SIGMA FP), e amb l’Agence de Service et de Paiement (sit DEFI ASP-PUBLIC) pas mai que pel besonh de las formacions.
Cada persona ten, per sas donadas personalas, un drech d’accès, de rectificacion, d’escafada, de limitacion, de portabilitat, e d’oposicion. A cada moment, pòt revocar la sieuna consentida pels tractaments de donadas. Las personas concernidas pòdon far valer sos dreches directament cap al CFPO Region Occitania o quitament cap a un eventual prestatari de servici o sos-tractant. En aqueste cas, en tot respectar la demòra reglamentara, la personalitat morala informada farà drech a la demanda e n’assabentarà las autras parts. Pel CFPO RO a l’adreiça electronica seguenta : cfpo@cfpoccitan.org
Lo CFPO Region Occitania causís de trabalhar amb los logicials liures e non-comercials. S’engatja, per menar sas formacions, de prene tota mesura tecnica e d’organizacion utilas per dire de servar la seguretat e la confidencialitat de las donadas de caractèr personal. E notadament d’empachar que sián desformadas, escagassadas, perduras, malversadas, gastadas, espandidas, transmesas, o comunicadas a personas non autorizadas.
Pr’amor d’aquò, lo CFPO - Region Occitania s’engatja de :
● Tractar las donadas personalas pas que per lo besonh necite de las formacions ;
● Servar las donadas personalas pendent dètz ans (10) al pus mai (CNIL) o de las suprimir abans en cas que la persona concernida o demande ;
● Lo CFPO-Region Occitania, respond dels sos-tractants o co-tractants d’accions de formacion, per que respecten los engatjaments cap a la seguretat e a la proteccion de las donadas ;
● En cas que las donadas de caractèr personal s’aguèsson de tranferir en defòra de l’Union Europèa, aquò se fariá pas sens un acòrdi del Client o de la persona fisica concernida.
Estagiaris en situacion d’andicap
Lo CFPO Region Occitania assolida lo sieu engatjament cap a l’insercion profesionale de la personas que patisson d’andicap.
Nòstra estructura, bastida a partir de valors de diversitat e d’acuèlh, s’engatja de respectar l’egalitat de las astradas e de l’accès a la formacion profesionala per totes per dire de garentir l’insercion profesionala necessària a espompiment tan profesional coma personal.
Lo CFPO Region Occitania designa una persona referenta per l’andicap. Aquela persona aisirà l’integracion de las personas en situacion d’andicap e afavorirà la capitada al percors de formacion.
La sieuna foncion es d’acompanhar las personas concernidas pendent lo percors de formacion, amai se s’encontren dificultats especificas.
Quand vos encartaretz al percors de formacion, avètz o anatz entresenhar una ficha que prevei la presa en carga de situacions o de dificultats ligadas a un andicap.
Pr’amor d’aquò, lo CFPO Region Occitania se prepausa :
● de vos aculhir e acompanhar individualament,
● D’avalorar vòstres bensonhs especifics,
● De metre en òbra las adaptacions pedagogicas, l’organizacion e las condicions materialas necessàrias.
La referenta andicap del CFPO - Region Occitania es Amandina COMBES
DRECH APLICABLE E JURIDICCION COMPETENTA
Es lo drech francés que regís las condicions generalas detalhadas d’aqueste document d’aquí. Un litigi se passèsse entre lo client e lo CFPO Region Occitania al interpretar aqueste tèxt o al metre en òbra lo contracte, las doas parts cercarián una solucion amiabla. Foguèsse imposible lo Tribunal de Besièrs sol seriá competent per trencar lo litigi.
MAJ 29/09/2021
